After a Race!

Onte, fumos a Compostela, onte foi o día da Carreira Pedestre de Santiago, 12 kms de asfalto e pedra agardaban por nos. Fai catro anos que participo nesta carreira, fai catro anos que corro sen parar.

Xa é unha tradición xuntarse cos amigos para correr ese dia todos xuntos, para compartir o xantar de despois, o paseo por Compostela para estirar as pernas, as cervexas e os sonrisos.

Este ano non levei a camara. Como o ano pasado xa fixera o post desta carreira non quería repetirme, así que desta vez imos falar do día despois da carreira. Hoxe ergome cansa, nas carreiras sempre te esforzas máis que nos adestramentos, sermpre corres máis rápido, e as maniotas aparecen, as pernas están cargadas,  os xeonllos asemellan xelatina, por iso, despois dunha carreira é mellor deixar de lado os tacóns e escoller o calzado máis comodo que teñas e agardar uns días para poder volver subir as alturas :)

Así que hoxe, toca descanso, café, chocolate e un bó libro: "O circo da medianoite" de Don Manuel Lourenzo, un tesouro con adicatoria, hoxe é un día perfecto para ler.

Photos by me!