Jane Eyre.My first heroine!

Noite de Reis, e recibo un gran agasallo!Despois de agardar uns cantos meses dende o estreo en Estados Unidos de Jane Eyre por fin, podemos ver a pelicula nas nosas terras. Teñolle un cariño especial a Jane Eyre, na casa dos meus pais un día buscando algo para ler nas estanterias do salón, atopei a novela en dous tomos de Jane Eyre de Charlote Brontë e con 12 anos sumerxinme no mundo de Jane, de Rochester, de Thornfield, dos paramos de Inglaterra, da súa bruma e da súa beleza. Descubrín que Jane era unha muller forte, independiente, intelixente e culta que loitaba por sair adiante nun mundo frío, cruel e duro en demasia, para unha moza da súa idade. Páxina a páxina ia descubrindo a vida de Jane, o seu coraxe, a súa templanza, o seu valor, e convertiuse para min na miña primeira heroina. Foron pasando os anos e fun lendo outros libros, e de vez en cando volvia a atoparme con eses tomos, abriaos  e volvia a ler esas palabras tan cercanas para min. Agora están conmigo na miña casa, na miña mesita de noite, son un pequeno tesouro.

Así que estaba desexando ver esta pelicula, e podo dicir, que me encantou, que é moi parecido a estar lendo o libro, a fotografia é impresionante, os actores sublimes, o vestuario perfecto, quen poidera poñer esas roupas...a única pega que lle vexo é que si non liches o libro, probablemente non te enterarás moito do argumento, así que primerio leede o libro, e despois ide a ver a pelicula non vos defraudará.